Stèidhich a’ chiad eileamaid dà bhuidheann a’ coinneachadh gach seachdain: madainn cofaidh air Dimàirt agus oidhche cheist ann an taigh-seinnse ionadail air Dihaoine. Le seiseanan cunbhalach rinnear cinnteach gu robhas a’ ruighinn an fheadhainn a bhathas a sireadh. Bha an dara eileamaid a’ toirt meudachadh nàdarra ann an cothrom Gàidhlig a chleachdadh ann beatha làitheil. Chuir 15 ghnothachasan ann an sgìre Phort Rìgh is a’ Bhràighe an ainm ris an iomairt.

Tha soirbheachas a’ phròiseict ri fhaicinn le suas ri 600 neach an sàs ann an caochladh thachartasan. Le bhith a’ leudachadh chothroman lìonra labhairt Gàidhlig thàinig buannachd shòisealta tro chruinneachaidhean cunbhalach a chur ris a’ phròiseact bheag èifeachdach seo. Mar thoradh air nàdar neo-fhoirmeil a’ phròiseict, bha na tachartasan seachdaineil glè thric air an stiùireadh le luchd-com-pàirt, a’ foillseachadh eisimpleir de leasachadh Gàidhlig fo stiùir na coimhearsnachd.